ფინანსური დირექტორის ჯო კაზერის თქმით, თავისი ბანკის გახსნის გადაწყვეტილებისაკენ კომპანიას საბანკო სექტორში არსებულმა კრიზისმა უბიძგა. მეორე მხრივ მსხვილი სამრეწველო კლიენტებისთვის ფინანსურ მომსახურებაზე მოქნილი რეაგირების აუცილებლობა გაჩნდა.

კომპანიის წარმომადგენელთა აზრით, ბანკი სხვა საკრედიტო-ფინანსური ორგანიზაციებისაგან "სიმენსის" დამოუკიდებლობას უზრუნველყოფს და ამ ფორმით თავის სამუშაოს უფრო სრულყოფილს გახდის.

"ჩვენი კორპორაცია ამ დროსათვის 9 მლრდ ევროს ფლობს. ამიტომ ჩვენ ფინანსების საიმედო დაბანდების შესაძლებლობა გვჭირდება. მომავალში ამის გაკეთებას ჩვენ თვითონ შევძლებთ", _ განაცხადა კეზერმა.

"სიმენსის" პერს-მდივნის გეორგ ჰაუკსის თქმით, საბანკო ლიცენზიის მიღების შემდეგ კომპანიას რიგი უპირატესობები გაუჩნდება. კერძოდ, კონცერნს უფლება მიეცემა ფინანსები გერმანულ ფედერალურ ბანკში განათავსოს და საბანკო ოპერაციების განხორციელებისათვის საკომისიო დანაზოგი გააკეთოს, რომლის გადახდაც დღეისათვის კომპანიას უწევს.