სახელმწიფო აუდიტის სამსახურის უფროსის, ლაშა თორდიას განცხადებით, დაზარალებულის სტატუსის არმინიჭების გამო, ამ ეტაპზე, არ ფლობს ინფორმაციას, როგორ მიმდინარეობს გამოძიება მასთან დაკავშირებულ ინციდენტზე.
თოდრიას თქმით, მან თავისი მოთხოვნები გამოძიების დაწყების პირველივე წუთებში დააყენა, თუმცა ახლა პარლამენტის გადაწყვეტილებით, გამოძიების დასრულებას ელოდება.
„მოთხოვნები დავაყენე პირველივე ეტაპზე, როდესაც ვსაუბრობდით, თუ რა ფორმით შეიძლებოდა გაგრძელებულიყო, ვინაიდან პარლამენტის მხრიდან იყო ნათქვამი, რომ დავლოდებოდით გამოძიებას, მეც ველოდები გამოძიებას. ვინაიდან მე არანაირი სტატუსი არ მომნიჭებია, არანაირ ინფორმაციას, თუ ვინ დაიკითხა ან რა ხდება, ამ ეტაპზე არ ვფლობ, არის იგივე სიტუაცია, რაც იყო აქამდე“,-განაცხადა თორდიამ.
ცნობისთვის, ლაშა თორდიას განცხადებით, 13 მაისს, გამთენიისას თავს ყოფილი მთავარი პროკურორი ოთარ ფარცხალაძე დაცვის წევრებთან ერთად ფიზიკურად გაუსწორდა.
საქმეზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
