საპარლამენტო უმრავლესობის წევრის, ეკა ბესელიას განცხადებით, პრეზიდენტის სასახლის შეთავაზება საკონსტიტუციო ცვლილებათა პაკეტზე მსჯელობისთვის, საკითხისადმი არასაკმარისი პატივისცემის დამადასტურებელია.
“რა ადგილზე მოხდება შეხვედრა, ის რომ ეს უნდა იყოს პრეზიდენტის ადმინისტრაცია, სასახლე - ეს ხომ უკვე საკითხისადმი არასაკმარისი პატივისცემის დამადასტურებელია, როცა ამაზე კეთდება აქცენტი.
საუბარია პირდაპირ ეთერზე. ჩვენ ხომ კონფერენციაზე არ ვსაუბრობთ, ჩვენ ვსაუბრობთ ორი ყველაზე მაღალი პოლიტიკური თანამდებობის პირის ღია ეთერზე და არა კონფერენციაზე, სადაც მოსაზრებები უნდა გაცვალოს რამდენიმე ათეულმა ადამიანმა. ეს ხომ სხვადასხვა რამეა საერთოდ”, -განაცხადა ეკა ბესელიამ.
