პარლამენტის ადამიანის უფლებათა დაცვის კომიტეტის თავმჯდომარის, სოფო კილაძის განცხადებით, ფაქტობრივად, ვენეციის კომისიამ მოიწონა ის მოდელი, რომელიც წარმოდგენილი იყო საქართველოს მხრიდან, თუმცა გარკვეული დათქმებით.
როგორც კილაძე აღნიშნავს, ეს დათქმები აუცილებლად იქნება გათვალისწინებული.
რაც შეეხება მაჟორიტარულ და პროპორციულ სისტემას, გუნდში გარკვეულ ადამიანებს ჰქონდათ და დღესაც აქვთ განსხვავებული აზრი.
„ვფიქრობ, რომ გუნდის ერთიანობისთვის მნიშვნელოვანია ყველამ მოვძებნოთ კონსენსუსი და შევჯერდეთ ერთიან პოზიციაზე. ეს არ არის ავტოკრატიული ქვეყანა და ის, რომ გუნდის შიგნით განსხვავებული აზრი არსებობს, ვფიქრობ, დამოკრატიის დამსახურებაა. ვერ გეტყვით, რა ვადით შეიძლება გადაიწიოს ან გადაიწევა თუ არა, ეს გუნდში უნდა შევაჯეროთ, მაგრამ ვფიქრობ, რომ მაჟორიტარული სისტემა ძალიან კარგია, მაგრამ მეორე მხრივ, გვაქვს ასევე ის მიზანი, რომ განვითარდეს დემოკრატიული გზით და არსებობს სხვადასხვა მოდელი. პროპორციულ სისტემას ის დიდი პლიუსი აქვს, რომ პარტიულ განვითარებას შეუწყობს ხელს“, - განაცხადა სოფო კილაძემ.