„მათთვის ვინც არის დამოკიდებული მარიხუანაზე, უნდა გავაკეთოთ ისე, რომ ძალოვან უწყებებს არ ჰქონდეთ ცდუნება რომ ამით დააშანტაჟონ და მოახდინონ ზეწოლა ადამიანებზე“, - განაცხადა გია ვოლსკიმ.
უნდა გავაკეთოთ ისე, რომ ძალოვან უწყებებს არ ჰქონდეთ ცდუნება, ადამიანები დააშანტაჟონ და მათზე ზეწოლა მოახდინონ“, - ამის შესახებ საპარლამენტო უმრავლესობის ლიდერმა გია ვოლსკიმ ნარკოპოლიტიკის გრძელვადიან რეფორმასთან დაკავშირებით განაცხადა.
მისივე თქმით, ახალი კანონის მიღებამდე, პარლამენტი, საკონსტიტუციო სასამართლოს გადაწყვეტილებიდან გამომდინარე, ვალდებულია მარიხუანასთან დაკავშირებით კანონში ცვლილებები განახორციელოს.
„საზოგადოებამ უნდა გაიგოს მყარად და მკაფიოდ - უმრავლესობას გვაქვს აზრი, რომ საკონსტიტუციო სასამართლოს გადაწყვეტილება უნდა შესრულდეს, მაგრამ ამპლიტუდა მიდგომების განსხვავდება დეპუტატებს შორის. ამიტომ, ველოდებით ახალ პაკეტს, რომელიც ჩამოაყალიბებს ახალ მიდგომებს სახელმწიფოში. ნურავის ექნება ილუზია, ამ კანონს მივიღებთ და ლიბერალიზაციის ისეთი ხარისხი შემოვა, რომ პასუხი არავის მოეთხოვება. არსებობს საჯარიმო სანქციები, სისხლის სამართლის პასუხისმგებლობა. პაკეტი, რომელიც მზადდება, ითვალისწინებს საკმაოდ სერიოზულ შეზღუდვებს, მათთვის ვინც არის დამოკიდებული მარიხუანაზე.
უნდა გავაკეთოთ ისე, რომ ძალოვან უწყებებს არ ჰქონდეთ ცდუნება რომ ამით დააშანტაჟონ და მოახდინონ ზეწოლა ადამიანებზე“, - განაცხადა გია ვოლსკიმ.
როგორც, „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ მთავრობის ინიცირებული პროექტის პირველი მოსმენით განხილვისას, საპარლამენტო უმრავლესობის წევრებმა განაცხადეს, პარლამენტი ნარკოპოლიტიკის გრძელვადიან რეფორმასთან დაკავშირებით მუშაობას ასრულებს.
გუნდში ამ საკითხთან დაკავშირებით, მწვავე მსჯელობას ელიან. ნარკოპოლიტიკასთან დაკავშირებული პაკეტის ინიცირება, წინასწარი ინფორმაციით, საშემოდგომო სესიისთვის იგეგმება.
