პარლამენტის ჯანდაცვის კომიტეტის თავმჯდომარის მოადგილე დიმიტრი ხუნდაძე მიიჩნევს, რომ ნარკოპოლიტიკის ლიბერალიზაციის კანონპროექტში მარიხუანას საზოგადოებისათვის საშიშროების დონე არა წონით, არამედ მოქმედი ნივთიერების პროცენტული შემცველობით უნდა განისაზღვროს.
როგორც თავად აცხადების, წინააღმდეგ შემთხვევაში დეპუტატი კანონპროექტს მხარს არ დაუჭერს.
„კანონპროექტის მხოლოდ ერთ ნაწილს ვეთანხმები, რომ მარიხუანას მომხმარებელი ციხეში არ უნდა ჩავსვათ, მაგრამ, მე არ ვეთანხმები იმას, რომ მარიხუანას საზოგადოების საშიშროება უნდა შეფასდეს მისი წონით, რამეთუ ერთი და იგივე წონის მარიხუანაში შეიძლება, მოქმედი ნივთიერება, ე.წ. ტეტროჰიდროკალაბინოლი იყოს სხვადასხვა შემცველობის, რომელიც იწვევს ნარკოტიკულ თრობას. ამიტომ, მე ვფიქრობ, კანონში უნდა აისახოს ამ ნივთიერების პროცენტული შემცველობა, წინააღმდეგ შემთხვევაში, მე ამ კანონპროექტს მხარს არ დავუჭერ,“ - აცხადებს დიმიტრი ხუნდაძე.
