ანკარის სასამართლომ 15 ივლისის სამხედრო გადატრიალების მცდელობაში ეჭვმიტანილ 23 სამხედრო მოსამსახურეს სამუდამო პატიმრობა მიუსაჯა. მათ ბრალად კონსტიტუციური წყობის შეცვლის მცდელობა და პრეზიდენტის ადმინისტრაციის უფროსის, ფაჰრი კასირგის დატყვევება დასდეს. სასამართლოს წინაშე კიდევ 3 სამხედრო მოსამსახურე წარსდგა. 2 მათგანი სასამართლომ უდანაშაულოდ ცნო და გაათავისუფლა, საპრეზიდენტო გვარდიის ყოფილ პოლკოვნიკს, მუჰსინ კუცი ბაშირს კი 12-წლიანი პატიმრობა მიუსაჯა.
