პარლამენტის ყოფილი თავმჯდომარე, დავით უსუფაშვილი პოლიტიკაში ბრუნდება.
ის ახალი პოლიტიკური პარტიის აკომპლექტებს და ხვალ წევრებს ოფიციალურად წარადგენს.
ამასთანავე, უსუფაშვილი არ გამორიცხავს, რომ პარტიამ თბილისის მერის პოსტზე საკუთარი კანდიდატურა წარადგინოს.
„ეს გუნდი ემზადება არჩევნებში მონაწილეობისთვის ადგილობრივ არჩევნებზე. ჩვენ ვართ საწყის ეტაპზე გუნდის ფორმირების, ამიტომ ეს არ იქნება ყველა მუნიციპალიტეტში სრულფასოვანი კამპანია, თუმცა ბევრგან გვექნება ძალიან საინტერესო კამპანიაც და საინტერესო კანდიდატებიც. ვიბრძოლებთ თბილისშიც, ოღონდ ჩვენი ბრძოლა იქნება შრომითი. მერობის კანდიდატთან დაკავშირებით მოგვიანებით მოგახსენებთ, საინტერესო ვარიანტები გვაქვს,“ - განაცხადა უსუფაშვილმა.