„ქვეყნის იმიჯმა დიდი დარტყმა მიიღო და დარტყმები კიდევ იქნება“, - ამის შესახებ პარლამენტის ვიცე-სპიკერმა ირმა ინაშვილმა ევროპარლამენტის მიერ აზერბაიჯანელი ჟურნალისტის, აფგან მუხტარლის საქმის შესახებ რეზოლუციის მიღების შემდეგ განაცხადა.
ინაშვილის განცხადებით, მოსალოდნელი იყო, რომ რეზოლუცია ძალიან მკაცრი იქნებოდა.
"სათანადო ორგანოებს კიდევ ერთხელ მოვუწოდებთ, რომ გამოძიება სასწრაფოდ დასრულდეს და გაირკვეს, აზერბაიჯანელი ჟურნალისტის გაუჩინარება რა ვითარებაში მოხდა. ეს მოხდა თუ არა საქართველოს ტერიტორიაზე, ვინ განახორციელა და რა მიზნით, ამაზე პასუხები გამოძიებამ უნდა გაგვცეს, რადგან ქვეყნის იმიჯმა დიდი დარტყმა მიიღო და დარტყმები კიდევ იქნება. ის პოლიტიკოსი არ ვარ, რომელსაც მისი სახელმწიფოსთვის ასეთი ტიპის დარტყმები უხარია", - განაცხადა ინაშვილმა.
