ევროპარლამენტარ კეტი პირის განცხადებით, საქართველოში მცხოვრები აზერბაიჯანიდან დევნილების უსაფრთხოებაზე მეტი ზრუნვაა საჭირო.
როგორც მან ევროპარლამენტის სხდომაზე განაცხადა, აზერბაიჯანელი ჟურნალისტის გატაცება მოხდა თბილისიდან.
"რაც მოხდა შემაშფოთებელია. აზერბაიჯანს ჰყავს ათობით პოლიტიკური პატიმარი. არსებობს ინფორმაცია, რომ გამტაცებლები საუბრობდნენ ქართულად. ეს ეჭვი უნდა გაიფანტოს და მეორეს მხრივ ეს არის ნიშანი იმის, რომ საქართველოში მცხოვრები აზერბაიჯანიდან დევნილების უსაფრთხოებაზე მეტი საზრუნავია",- განაცხადა კეტი პირიმ.
ცნობისთვის, ევროპარლამენტის სესიაზე რეზოლუციის პროექტზე „მუხტარლის საქმე და აზერბაიჯანში მედიის მდგომარეობა“ დებატები მიმდინარეობს.
