„ბირჟა მაფიას“ წევრის, გიორგი ქებურიას განცხადებით, ჯგუფის წევრებს „აჭარანეტიდან“ ჰქონდათ ინფორმაცია, რომ კლიპმა პოლიცია გააღიზიანა.
მისივე თქმით, ამ თემაზე საუბარი არა მხოლოდ რეპერ „მასტერთან“, არამედ სხვა მეგობრებთანაც ჰქონდა.
„ინფორმაცია მაქვს, რომ დარეკეს „აჭარანეტში“ და გამოხატეს გაღიზიანება. კლიპში გერბი დაფარა „აჭარანეტმა“, პოლიციელი - მე და მგალობლიშვილმა დავფარეთ, არ გვინდოდა სიტუაციის გამწვავება, რადგან ვიღაცის გაღიზიანება გამოიწვია, მაქსიმალურად დავიზღვიეთ თავი“, - აცხადებს ქებურია.
