ამერიკელი სტუდენტი ოტო-ფრიდერიკ უორმბირი, რომელსაც ჩრდილოეთ კორეაში 15-წლიანი პატიმრობა ჰქონდა მისჯილი, თავისუფალია. ამის შესახებ სახელმწიფო მდივანმა რექს ტილერსონმა განაცხადა. მისივე თქმით, ვაშინგტონი ფხენიანთან მოლაპარაკებას ამერიკის კიდევ 2 მოქალაქის გათავისუფლებაზე აწარმოებს 22 წლის უორმბირი ჩრდილოეთ კორეაში გასული წლის იანვარში დააკავეს. მას ბრალი სააგიტაციო პლაკატის მოპარვის მცდელობაში დასდეს. როგორც სტუდენტის მშობლებმა „ვაშინგტონ პოსტს“ განუცხადეს, მათი შვილი კომაში იმყოფება. მათივე თქმით, სასამართლო პროცესის შემდეგ ოტო-ფრედერიკს ბოტულიზმი დაემართა. ფხენიანის მტკიცებით კი სტუდენტმა ძლიერი საძილე საშუალება მიიღო, რის შემდეგაც კომაში ჩავარდა.
