აზერბაიჯანელი ჟურნალისტის აფგან მუხტარლის ადვოკატი არჩილ ჩოფიკაშვილ თბილისის საქალაქო სასამართლოს მუხტარლისა და მისი მეუღლისათვის დაზარალებულის სტატუსის მინიჭების მოთხოვნით მიმართავს.
მსგავსი მოთხოვნით ჟურნალისტის ინტერესების დამცველემა მანამდე პროკურატურასაც მიმართა, თუმცა მასზე პასუხი ჯერაც არ მიუღია.
ადვოკატის განცხადებით, საქმის მასალების გაცნობის შემდეგ გაირკვა, რომ 143-ე მუხლის მეოთხე ნაწილის ნაცვლად, მომხდარზე ძიება მიმდინარეობს პირველი ნაწილით, რაც ადამიანის თავისუფლების აღკვეთას არადამამძიმებელ გარემოებებში გულისხმობს.
გარდა ამისა, ადვოკატი ამბობს, რომ დაკითხულია ისეთი მოწმეები, რომლებმაც საქმესთან დაკავშირებით არაფერი იციან.
„მესამე კვირა მიდის და პირველივე კვირას მზად იყო საფუძვლები იმისთვის, რომ დაზარალებულის სტატუსი ჰქონოდა ამ ადამიანს. ვინაიდან, მთელი საერთაშორისო საზოგადოება და ყველა, გარდა პროკურატურისა, თანხმდება იმაზე, რომ ეს ადამიანი მართლაც დაზარალდა ამ გატაცების შედეგად. დღემდე წერილობითი პასუხი სამწუხაროდ, ჩვენს არცერთ მოთხოვნაზე არ მიგვიღია, მიუხედავად იმისა, რომ დღეს უკვე მოგვეცა შესაძლებლობა, რომ გავცნობოდით ამ საქმეს კიდევ უფრო საგანგაშო ვითარება გახდა ჩვენთვის ცნობილი, რომ მაგალითად, დაკითხულია 200 მოწმე, ოთხი ტომია საქმე და დაკითხულია ისეთი მოწმეები, ვინც არაფერი იცის ამ საქმესთან დაკავშირებით,“ - განაცხადა ადვოკატმა არჩილ ჩოფიკაშვილმა.
