ეს ჩემპიონობა არის საქართველოსი და ეს იქნება მოტივაცია ახალგაზრდებისთვის - აცხადებს ზაზა ფაჩულია დღეს გავრცელებულ ვიდეომიმართვაში.
”ამდენი შრომა გავიარეთ, ამდენი ოფლი და ვარჯიში იყო იმისთვის, რომ ჩემპიონები გავმხდარიყავით. გავხდით ჩემპიონები და ეს ძალიან დიდი სიამაყე და სიხარულია. ყველა ჩემს გულშემატკივარს ვულოცავ. ეს ჩემპიონობა არის საქართველოსი და ეს იქნება მოტივაცია ახალგაზრდებისთვის, ითამაშებენ კალათბურთს. ეს დასაწყისი იყო, კიდევ ბევრი მსოფლიო ჩემპიონი გვეყოლება და არა მარტო კალათბურთში. გილოცავ საქართველო”, - განაცხადა ზაზა ფაჩულიამ, რომელიც ამერიკის ნაციონალური საკალათბურთო ასოციაციის 2016/17 წლების ლიგის ჩემპიონი გახდა.
ზაზა ფაჩულია პირველი ქართველი კალათბურთელია, ვინც მსოფლიოს უძლიერესი საკალათბურთო ლიგის გამარჯვებული გახდა.
