არაბული ქვეყნების მიერ ბლოკადაში მოქცეულ ყატარს ირანმა ჰუმანიტარული დახმარებით დატვირთული 5 თვითმფრინავი გაუგზავნა. ყატარი ეკონომიკურ ბლოკადაში მას შემდეგ მოექცა, რაც არაბულმა ქვეყნებმა დოჰა ტერორიზმის მხარდაჭერაში დაადანაშაულეს და ქვეყანასთან დიპლომატიური ურთიერთობა შეწყვიტეს. განსაკუთრებული პრობლემა ყატარს საუდის არაბეთთან სახმელეთო საზღვრის ჩაკეტვამ შეუქმნა. სასურსათო პროდუქტების 40 პროცენტი ყატარს საუდის არაბეთიდან შეჰქონდა.
