უკრაინის პრეზიდენტი იმედოვნებს, რომ უკრაინა ევროკავშირის წევრი აუცილებლად გახდება. ამის შესახებ მან სლოვაკეთის საზღვარზე უვიზო რეჟიმის ამოქმედების საზეიმო ცერემონიალზე განაცხადა.
„რაც უფრო მეტ პროგრესს ვაჩვენებთ რეფორმების გატარების გზით, მით უფრო მეტი არგუმენტი გვექნება იმისათვის, რომ ევროკავშირის წევრობისთვის ვიბრძოლოთ. უკრაინა ევროპული ქვეყანაა,“-აღნიშნა პოროშენკომ.
უკრაინისთვის ევროკავშირმა უვიზო რეჟიმი დღეიდან აამოქმედა. პირველივე საათებში ევროკავშირის საზღვარი უკრაინის 600-მდე მოქალაქემ გადაკვეთა.
