მოსკოვში კრატოვოს დასახლებაში მომხდარი თავდასხმის შედეგად 4 ადამიანი დაიღუპა, 3 კი დაიჭრა. ახალგაზრდა მამაკაცმა გამვლელებს ცეცხლი სანადირო იარაღიდან გაუხსნა. ამის შემდეგ ის თავის ბინაში ჩაიკეტა. მას შემდეგ, რაც პოლიციამ სახლზე შტურმი მიიტანა, თავდამსხმელმა სახლს ხანძარი გაუჩინა, თვითონ კი თავი ტყეს შეაფარა. სამართალდამცველებს მან შეიარაღებული წინააღმდეგობა გაუწია. მის მიერ ნასროლი ხელყუმბარების აფეთქების შედეგად 4 სპეცრაზმელი დაშავდა. საბოლოოდ პოლიციელებმა მისი ლიკვიდაცია შეძლეს. დანაშაულის მოტივი ამ დრომდე უცნობია.
