ლიბიის ყოფილი ლიდერის, მოამარ გადაფის ვაჟი, საიფ ალ-ისლამ გადაფი პატიმრობიდან გაათავისუფლეს. სასიკვდილო განაჩენის აღსრულებას ის 2 წელი ელოდა. გადაფის ვაჟს პარლამენტის მიერ მიღებული საყოველთაო ამნისტია შეეხო. უმცროსი გადაფი მას შემდეგ დააპატიმრეს, რაც ამბოხებულებმა მოამარ გადაფის ხელისუფლება დაამხეს და ყოფილ პრეზიდენტს სასტიკად გაუსწორდნენ. მოკლეს გადაფის ვაჟი ნუატასემი, კიდევ ერთი ვაჟი ჰამისი კი ტრიპოლიში ავიადარტყმას ემსხვერპლა. საიფი დაატყვევეს და 2015 წელს სასიკვდილო განაჩენი გამოუტანეს.
