ტელეკომპანია „რუსთავი 2“-ის გენერალური დირექტორის მოადგილემ ზაალ უდუმაშვილმა განაცხადა, რომ ნიკა გვარამიას თანამდებობა, ჯერჯერობით, არ დაუტოვებია.
„ნიკა გვარამია ჯერ თავის ადგილზე რჩება და მუშაობს. თუ რაიმე ცვლილება იქნება, აუცილებლად შეიტყობთ. გავრცელებულ ინფორმაციას ჯერჯერობით არ ვადასტურებ“, - განაცხადა ზაალ უდუმაშვილმა საზოგადოებრივთან სატელეფონო საუბრისას.
შეგახსენებთ, რომ 8 ივნისს გავრცელდა ინფორმაცია ნიკა გვარამიას ტელეკომპანია „რუსთავი 2“-ის გენერალური დირექტორის თანამდებობიდან გადადგომის შესახებ, თუმცა აღნიშნული ოფიციალურად არ დასტურდება.
