,,ნაციონალური მოძრაობის“ წევრი რომან გოცირიძე საკონსტიტუციო ცვლილებების კანონპროექტს ეხმიანება და აცხადებს, რომ ეს ცვლილებები ქვეყანას არასახარბიელო მომავალს უქადის.
,,ქვეყნის პროფილი!
თუ გინდა შეიცნო ქვეყნის სახე, სამ რამეს უნდა დააკვირდე:
1. არის თუ არა მიწა თავისუფალ ბრუნვაში
2. ხდება თუ არა უმცირესობების დისკრიმინაცია( მათ შორის სექსუალურ ნიადაგზე)
3. არის თუ არა რელიგიური კონფესიები თანაბარ მდგომარეობაში.
ამ სამზე წარმოდგენა თუ გაქვს, დანარჩენი დეტალებია. არ არის ძნელი მისახვედრი, რა ქვეყანაა და რა მომავალი აქვს, რამდენია მისი მშპ და რამდენი ექნება 50 წლის შემდეგ.
უცბად ნავთობმა თუ ამოხეთქა, შეიძლება მოხდეს რაღაც გადახრა კანონზომიერებიდან, მაგრამ დიდ დისტანციაზე არა.
სადღეგრძელოს ხასიათსაც კი განსაზღვრავ მარტივად. მაგალითად, ”ჩვენს სიღატაკეს, მაგრამ სიამაყეს გაუმარჯოს”!- აცხადებს გოცირიძე.
კონსტიტუციაში ქორწინების დეფინიციის განსაზღვრის და მიწების უცხოელებზე გასხვისების აკრძალვის შესახებ მიღებული გადაწყვეტილება გუშინ გასაჯაროვდა.
,,გადაწყდა, რომ წარმოდგენილი იყოს ჩანაწერი, რომ ქორწინება განისაზღვრება როგორც ქალისა და მამაკაცის კავშირი ოჯახის შექმნის მიზნით, - ამის შესახებ პარლამენტის თავმჯდომარე ირაკლი კობახიძემ გაცხადა. მისივე თქმით, საკონსტიტუციო ცვლილებების მიღებამდე, სასოფლო-სამეურნეო დანიშნულების მიწების გასხვისების მუხლზე მორატორიუმი გამოცხადდება.
