ნებისმიერი წინასწარი მოსაზრება, ეს არის მხოლოდ წინასწარი მოსაზრება, - ამის შესახებ საპარლამენტო უმრავლესობის წევრმა, ეკა ბესელიამ ვენეციის კომისიის წინასწარ დასკვნაზე საუბრისას, ჟურნალისტებს განუცხადა.
მისი თქმით, ვიდრე ვენეციის კომისია სხდომაზე საბოლოოდ არ შეჯერდება პოზიციებისა და მოსაზრებების ირგვლივ და მისი ყველა პრინციპი არ დამტკიცდება, ის დასკვნის სახეს ვერ მიიღებს და მას არანაირი ოფიციალური დატვირთვა არ ექნება.
"პირველ რიგში, ნათლად უნდა ითქვას, რომ ვიდრე ვენეციის კომისია სხდომაზე საბოლოოდ არ შეჯერდება პოზიციებისა და მოსაზრებების ირგვლივ და მისი ყველა პრინციპი არ დამტკიცდება, ის დასკვნის სახეს ვერ მიიღებს და მას არანაირი ოფიციალური დატვირთვა არ ექნება. ნებისმიერი წინასწარი მოსაზრება, ეს არის მხოლოდ წინასწარი მოსაზრება - ვენეციის კომისიის საბოლოო დასკვნა ჩვენ 16 ივნისს გვეცოდინება. გვეცოდინება, რა რეკომედაციები დარჩება კომისიას“, - განაცხადა ეკა ბესელიამ.
