მნიშვნელოვანია, რომ ჩვენი მოქალაქები მშვიდად იყვნენ სხვა ქვეყანაში და არ ხვდებოდნენ მსგავს ინციდენტებში, - ასე გამოეხმაურა სპორტისა და ახალგაზრდობის საქმეთა მინისტრი, ტარიელ ხეჩიკაშვილი სპორტსმენების ინციდენტს.
როგორც მინისტრმა აღნიშნა, სპორტსმენებს და მათ ფედერაციებს არ აქვთ კავშირი სპორტის სამინისტროსთან.
„დაწმუნებული ვარ, შესაბამისი უწყებები გააკეთებენ ოფიციალურ განცხადებებს მას შემდეგ, რაც მიიღებენ ამომწურავ ინფორმაციას. აღნიშნულ სპორტსმენებს და მათ ფედერაციებს არ აქვთ კავშირი სპორტის სამინისტროსთან, თუმცა, ჩვენთვის მნიშვნელოვანია, რომ ჩვენი მოქალაქები მშვიდად იყვნენ სხვა ქვეყანაში და არ ხვდებოდნენ მსგავს ინციდენტებში“, - განაცხადა ტარიელ ხეჩიკაშვილმა.
