ნიუ იორკში ჩასვლისთანავე მოხდა ძალიან სერიოზული გაუგებრობა, - ამის შესახებ აშშ-ში დაკავებული სპორტსმენი, ავთანდილ ხურციძე Facebook-ის პირად გვერდზე წერს.
როგორც განცხადებაში წერია, სპორტსმენი იმედს გამოთქვამს, რომ ყველაფერი გაირკვევა.
"მეგობრებო, როგორც იცით, გუშინ გავემგზავრე ამერიკაში, რათა დამეწყო მომზადება 8 ივლისის ბრძოლისთვის. ნიუ იორკში ჩასვლისთანავე მოხდა ძალიან სერიოზული გაუგებრობა. იმედი მაქვს უახლოეს საათებში ყველაფერი გაირკვევა და ისევ მომეცემა საშუალება გავნაგრძო მომზადება სანდერსთან ბრძოლისათვის", - წერია განცხადებაში.
ცნობისთვის, ნიუ იორკის სამხრეთით რუსულ-ქართული კრიმინალური დაჯგუფების 33 წევრი დააკავეს, მათ შორის რამდენიმე ე.წ. „კანონიერი ქურდია“.
