„გიორგი ტუღუშმა საერთოდ არ იცის რა არის მიწა“,- ამის შესახებ „დემოგრაფიული საზოგადოება 21-ის“ დირექტორმა ზვიად ტომარაძემ „ევროპული საქართველოს“ წევრის, გიორგი ტუღუშის იმ განცხადების შეფასებისას განაცხადა, რომლითაც ტუღუშმა გადაწყვეტილებას, კონსტიტუციით აიკრძალოს უცხო ქვეყნის მოქალაქეებზე მიწების გასხვისება, ხელისუფლების მორიგი პოპულისტური ნაბიჯი უწოდა.
ამასთანავე, ზვიად ტომარაძე გიორგი ტუღუშს ურჩევს, რომ კომენტარის გაკეთებამდე ევროპული ქვეყნების გამოცდილებას გადახედოს.
„გიორგი ტუღუში გაგნებაში არ არის ამ საითხთან დაკავშირებით, მან საერთოდ არ იცის რა არის მიწა. ამიტომ, ვურჩევ, სანამ კომენტარს გააკეთებს, გაეცნოს წამყვანი, ევროპული ქვეყნების გამოცდილებას სასოფლო სამეურნეო მიწის საკუთრებასთან დაკავშირებით. ისინი მიწას სტრატეგიულ ობიექტად მიიჩნევენ, ძალიან მკაცრი რეგულაციები აქვთ და ფაქტობრივად, უცხო ქვეყნის მოქალაქე იქ მიწას ვერ შეიძენს. თუმცა არ მიკვირს ტუღუშის ეს ნათქვამი, რადგან ის და მისი თანაგუნდელები ყვეალფერ ეროვნულსა და სახელმწიფოებრივს პოპულიზმს უწოდებენ“, - განმარტა ზვიად ტომარაძემ GHN-თან საუბრიას.
შეგახსენებთ, რომ დღეს საქართველოს პარლამენტის თავმჯდომარემ, ირაკლი კობახიძემ გააჟღერა გადაწყვეტილება, რომლის მიხედვითაც, მიწის უცხო ქვეყნის მოქალაქეებზე გასხვისება კონსტიტუციით აიკრძალება.
აღნიშნულ გადაწყვეტილებას „ევროპული საქართველოს“ წევრმა, გიორგი ტუღუშმა ხელისუფლების მხრიდან ერთ-ერთი პოპულისტური ნაბიჯი უწოდა.
“ქართულ მიწას რეალურად ზურგზე ვერავინ მოიკიდებს და წაიღებს. ერთადერთი დატვირთვა იმას, რომ უცხოელებს ჰქონდეს გარკვეული უფლებები ამით თუ მიიღებ ეკონომიკურ ეფექტს. რატომ არ აძლევენ საპარლამენტო უმცირესობას ვენეციის კომისიის დასკვნას, რომელიც მიღებული აქვთ და მე რამდენადაც ვიცი, თავად კომისია არ ეწინააღმდეგება ამას. პირიქით, რეკომენდაციაც იყო მათი მხრიდან, რომ მიიღონ ნებართვა ხელისუფლების მხრიდან, რომ ჩვენც ვნახოთ რა ჩაწერეს. იქნებ და მოსწონთ იქ ყველაფერი, მაგრამ მე რამდენადაც ვიცი, იქ ესე არ არის. განსაკუთრებით საკითხი ეხება საპარლამენტო არჩევნების სისტემას, რომელიც როგორც მე ვიცი, გატარებულია ძალიან მკაცრ კრიტიკაში,’’ - განაცხადა გიორგი ტუღუშმა.