თეირანი დონალდ ტრამპის განცხადებამ გააღიზიანა. ირანის დედაქალაქში განხორციელებულ ტერორისტულ აქტებს თეთრი სახლის ლიდერი ტვიტერით გამოეხმაურა. მომხდარის გამო ტრამპმა მწუხარება გამოთქვა და დასძინა, რომ ტერორიზმის დაფინანსებით ირანი ტერორიზმის მსხვერპლი თავად ხდება. ამ განცხადების გამო შეერთებული შტატების პრეზიდენტი მწვავედ გააკრიტიკა ირანის საგარეო საქმეთა მინისტრმა მუჰამედ ჯავად ზაფირმა. თავდასხმები ირანის პარლამენტსა და აიათოლა ჰომენეის მავზოლეუმზე გუშინ განხორციელდა, რასაც 13 ადამიანი ემსხვერპლა, 43 კი დაშავდა.
