გამოძიების ფედერალური ბიუროს ყოფილი ხელმძღვანელი სენატის დაზვერვის კომიტეტში დღეს ჩვენებას მისცემს. მანამდე ჯეიმს კომიმ მედიისთვის განცხადება გააკეთა და დონალდ ტრამპთან 27 იანვარის შეხვედრა გაიხსენა. გამოძიების ფედერალური ბიუროს ყოფილი დირექტორი ამბობს, რომ პრეზიდენტი მისგან ლოიალობას ითხოვდა და განსაკუთრებით დაინტერესებული იყო რუსეთის საკითხზე გამოძიებით. კომის მტკიცებით, პრეზიდენტი ცდილობდა მასზე ზეწოლა მოეხდინა და შეეჩერებინა გამოძიება, რომელიც სახელმწიფო უშიშროების საკითხებში ტრამპის მრჩევლის, მაიკლ ფლინის რუსეთთან კავშირებს ეხებოდა.
