გერმანიის მთავრობამ ინჯირლიკის სამხედრო ბაზიდან კონტინგენტის გაყვანას მხარი დაუჭირა. შესაბამისი გადაწყვეტილება მინისტრთა კაბინეტმა დღევანდელ სხდომაზე მიიღო. პირველ ეტაპზე თურქულ ავიაბაზას 20-მდე სამხედრო მოსამსახურე დატოვებს. მომავალი 2-3 თვის განმავლობაში კი დარჩენილი კონტინგენტისა და მოიერიშე თვითმფრინავების პერედისლოკაცია განხორციელდება. გერმანული კონტინგენტი სავარაუდოდ იორდანიაში გადაინაცვლებს. გადაწყვეტილება ბერლინმა მას შემდეგ მიიღო, რაც თურქულმა მხარემ გერმანელ დეპუტატებს ინჯირლიკის ბაზაზე შესვლის უფლება არ მისცა.
