თეირანში დაღუპულთა რაოდენობა გაიზარდა. ტერაქტებს, ბოლო მონაცემებით, 12 ადამიანი ემსხვერპლა, 39 კი დაშავედა. თავდასხმები ირანის პარლამენტსა და აიათოლა ჰომენეის მავზოლეუმზე დღეს დილით განხორციელდა. საკანონმდებლო ორგანოში 4 შეიარაღებული პირი შეიჭრა და ცეცხლი გახსნა. ერთმა მათგანმა თავი აიფეთქა. ტერორისტებმა 4 ადამიანი მძევლად აიყვანეს. აიათოლას მავზოლეუმთან კი ცეცხლი 3-მა შეიარაღებულმა პირმა გახსნა. მათგან 2 ქალი იყო. ერთ-ერთმა მათგანმა შაჰიდის ქამარი მოქმედებაში მოიყვანა. ერთი ტერორისტი სავარაუდოდ პოლიციელებმა მოკლეს ან თავი მოიკლა, მესამემ კი გაქცევა შეძლო. ირანული სააგენტო პრეს ტი-ვის ინფორმაციით, პარლამენტში მყოფი 4-ვე ტერორისტი ლიკვიდირებულია. ტერაქტებზე პასუხისმგებლობა ისლამურმა სახელმწიფომ აიღო.
