ვიეტნამს სამდღიანი ვიზიტით ჩეხეთის პრეზიდენტი ეწვია. ორი ქვეყნის ურთიერთობების გააქტიურება რამდენიმე მიმართულებით, კერძოდ, ეკონომიკის, ვაჭრობის, ინვესტიციების, განათლებისა და შრომის ბაზრის სექტორში იგეგმება. მხარეებმა კონკრეტული სამოქმედო გეგმა ტურიზმის მიმართულებითაც შეიმუშავეს. გადაწყდა ჩეხეთის მოქალაქეებისთვის სავიზო რეჟიმის გამარტივებაც. ოფიციალური მონაცემებით, 2016 წელს ვიეტნამში დაახლოებით 14 ათასი ჩეხი ტურისტი ჩავიდა.
