ყატართან დიპლომატიური ურთიერთობა მავრიტანიამაც გაწყვიტა. ოფიციალურ მიზეზად ყატარის მიერ ტერორიზმის მხარდაჭერა დასახელდა. ამ ეტაპზე დიპლომატიური ურთიერთობები მავრიტაანიის გარდა დოჰასთან კიდევ შვიდ არაბულ ქვეყნას აქვს გაწყვეტილი. გადაწყვეტილება ყატარის ემირის იმ განცხადებას მოჰყვა, სადაც ირანთან ურთიერთობის ნორმალიზებაზე იყო საუბარი. მოგვიანებით ყატარამა ეს განცხადება ჰაკერების ნამოქმედარს გადააბრალა, თუმცა არაბული ქვეყნებისთვის ეს უსუსური თავის მართლება აღმოჩნდა. დოჰა „ალ ქაიდასა“ და „ისლამური სახელმწიფოს“ მხარდაჭერაში დაადანაშაულეს.
