თურქეთის პრემიერ-მინისტრმა ბინალი ილდირიმმა გერმანიის საგარეო საქმეთა მინისტრთან შეხვედრა გააუქმა. ამის შესახებ გამოცემა Cumhuriyet იტყობინება. ზიგმარ გაბრიელმა შეხვედრა უკვე გამართა თურქ კოლეგა მევლუთ ჩავუშოღლუსთან. გერმანიის პირველმა დიპლომატმა ინჯირლიკის სამხედრო ბაზაზე გერმანელი დეპუტატების შეშვება კიდევ ერთხელ მოითხოვა, რაზეც ანკარა ჯერჯერობით უარს აცხადებს. თურქ კოლეგასთან შეხვედრის შემდეგ გაბრიელი პრეზიდენტ ერდოღანსა და პრემიერ ილდირიმთან შეხვედრასაც გეგმავდა.
