ვენესუელაში საკონსტიტუციო ასამბლეის არჩევნები 30 ივლისს ჩატარდება. გადაწყვეტილება პრეზიდენტმა ნიკოლას მადურომ მიიღო. ეროვნული საარჩევნო საბჭოს მონაცემებით, არჩევნებზე კანდიდატებად 55 ათასამდე ადამიანი უკვე დარეგისტრირდა. საკონსტუტუციო ასამბლეამ პარლამენტი უნდა ჩაანაცვლოს, რომელიც ოპოზიციით არის დაკომპლექტებული. ოპოზიცია პრეზიდენტის გადაწყვეტილებას ქვეყანაში დემოკრატიის საბოლოო დასამარებად აფასებს. საპროტესტო აქციები კარაკასსა და ქვეყნის დიდ ქალაქებში 2 თვეზე მეტია, გრძელდება. დემონსტრანტები პოლიტპატიმრების გათავისუფლებას და ვადამდელ არჩევნებს მოითხოვენ.
