ჯეიმს კომი სენატის საკომიტეტო მოსმენაზე 8 ივნისს წარდგება. გამოძიების ფედერალური ბიუროს ყოფილი ხელმძღვანელი ჩვენებას დაზვერვის კომიტეტს მისცემს, რომელიც რუსეთთან ტრამპის ადმინისტრაციის კავშირებს იძიებს. გამოძიებაში ეფ-ბი-აის ყოფილი ხელმძღვანელი თავადაც იყო ჩართული, თუმცა პრეზიდენტმა ტრამპმა ის სამსახურიდან დაითხოვა. გავრცელდა ინფორმაცია იმის შესახებაც, რომ თეთრი სახლის ლიდერი კომის გამოძიების შეწყვეტას სთხოვდა.
