ალექსეი მაკეევს მექსიკის სასამართლომ წელიწადნახევრიანი წინასწარი პატიმრობა შეუფარდა. მას ბრალდება განზრახ მკვლელობის მუხლით წაუყენეს. ინციდენტი ქალაქ კანკუნში მოხდა. რუსი ეროვნების მაკეევს, რომელიც ინტერნეტით მექსიკელების შეურაცხმყოფელ ვიდეორგოლებს ავრცელებდა, თავს ქალაქის მცხოვრებლები დაესხნენ. მაკეევმა ერთ-ერთი თავდამსხმელი დანით სასიკვდილოდ დაჭრა. ლინჩის წესით გასამართლებისგან ის პოლიციამ იხსნა.
