მასობრივი საპროტესტო აქცია გაიმართა ქაბულში. ავღანეთის დედაქალაქში გამოსული ასობით დემონსტრანტი ტერაქტის შემდეგ მთავრობის გადადგომას მოითხოვდა. სამართალდამცველებმა მანიფესტანტთა დასაშინებლად ჰაერში რამდენჯერმე გაისროლეს. მას შემდეგ კი, რაც დემონსტრანტთა ჯგუფმა პოლიციის დერეფნის გარღვევა სცადა, აქცია ძალის გამოყენებით დაშალეს. მასშტაბური ტერორისტული აქტი ქაბულის დიპლომატიურ კვარტალში 2 დღის წინ განხორციელდა, რასაც 10-მდე ადამიანი ემსხვერპლა.
