დონალდ ტრამპის მიერ „ტვიტერზე“გამოთქმული მორიგი ინიციატივა მედიის განსჯის საგანი გახდა. აშშ პრეზიდენტის თქმით, ის პარიზის ხელშეკრულების თაობაზე გადაწყვეტილებას უახლოეს მომავალში მიიღებს. საინფორმაციო პორტალი „აქსიოს ნიუსი“ წერს, რომ ტრამპს კლიმატის ცვლილების შესახებ პარიზის შეთანხმების დატოვება უკვე გადაწყვიტილი აქვს. შეთანხმება ხელმომწერ სახელმწიფოებს ატმოსფეროში ნახშირორჟანგის გამონაბოლქვის შემცირებას ავალდებულებს. შეთანხმების შესრულების პირობებზე ახლახანს იტალიაში ჩატარებულ „დიდი შვიდეულის“ სამიტზეც იმსჯელეს.
