„მალაიზიის ავიახაზების“ თვითმფრინავში ინციდენტი მშვიდობინად დასრულდა, თუმცა აფრენიდან 30 წუთში თვითმფრინავის მელბურნში დაბრუნება მოუხდა. ერთ-ერთი მგზავრი, რომელიც ირწმუნებოდა, რომ თან ბომბი ჰქონდა, პილოტის კაბინაში შეჭრას ცდილობდა. ხმელეთზე დაშვებისთანავე მგზავრი დააკავეს. ის შრი-ლანკას მოქალაქეა. ასაფეთქებელი მოწყობილობა, რომლითაც მგზავრი იმუქრებოდა ჩვეულებრივი აკუმულატორი აღმოჩნდა.
