სირიელი ქურთების შეიარაღების დაწყება პენტაგონმა ოფიციალურად დაადასტურა. ქურთები ქალაქ რაქას გათავისუფლების ოპერაციაში მონაწილეობენ. დაჯგუფება „სირიის დემოკრატიული ძალები“ შეერთებული შტატებისგან ცეცხლსასროლ იარაღთან ერთად საბრძოლო მასალასაც მიიღებს. ვაშინგტონის გადაწყვეტილება უკვე გააპროტესტა თურქეთმა. ოფიციალური ანკარის განცხადებით, ქურთების შეიარაღება უარყოფით შედეგებს თავად შეერთებული შტატებისთვის გამოიღებს.
