აშშ-ის სახელმწიფო მდივანი, ჰილარი კლინტონი, 1-5 ივლისს დაგეგმილი აღმოსავლეთ ევროპული ტურნეს ფარგლებში საქართველოს ესტუმრება. შესაბამისი განცხადება სახელმწიფო დეპარტამენტმა გაავრცელა.
თბილისში ჩამოსვლამდე, ჰილარი კლინტონი 1-ელ ივლისს კიევს ეწვევა, საიდანაც პოლონეთში გაემგზავრება, ხოლო შემდეგ ბაქოსა და ერევანს ესტუმრება.
ბაქოში, ერევანსა და თბილისში სახელმწიფო მდივანი, "შეხვდება მთავრობის წარმომადგენლებსა და სამოქალაქო საზოგადოების ლიდერებს," _ ნათქვამია სახელმწიფო დეპარტამენტის განცადებაში.
"სახელმწიფო მდივნის ვიზიტი საქართველოში იქნება საქართველოს ტერიტორიული მთლიანობისადმი ჩვენი მხარდაჭერის კონკრეტული გამოხატულება," - განაცხადა სახელმწიფო დეპარტამენტის წარმომადგენელმა ფილიპ ქროულიმ დადასძინა, რომ "ავღანეთის მისიაში საქართველოს, მის მიერ გაგზავნილი სამხედროების რაოდენობით, ერთ სულ მოსახლეზე გაანგარიშებით, თუ ზუსტად მახსოვს, ყველაზე დიდი წვლილი შეაქვს. ასე რომ, ეს ვიზიტი ამ საკითხზე დიალოგის გაგრძელების საშუალებას მოგვცემს. ჩვენ ასევე ყურადღებით ვრჩებით იმ პრობლემისადმი, რომელიც საქართველოს ტერიტორიულ მთლიანობას უკავშირდება".