მაიკლ ფლინი სენატისთვის იმ დოკუმენტების ნაწილის გადაცემაზე დათანხმდა, რომელიც მისგან დაზვერვის კომიტეტმა გამოითხოვა. საქმე ეხება საპრეზიდენტო არჩევნებში რუსეთის შესაძლო ჩარევას, რასაც სენატის შესაბამისი კომიტეტი იძიებს. დონალდ ტრამპის მრჩეველს პრობლემები სწორედ რუსეთის ელჩთან შეხვედრების გამო შეექმნა. სერგეი კისლიაკთან ფარული კონტაქტების გამო მას თანამდებობის დატოვება მოუხდა.
