ფილიპინებში შეტაკებები გრძელდება. სამთავრობო ძალები ქალაქ მარავის გათავისუფლებას ცდილობენ, რომელზეც კონტროლი ორი კვირის წინ ისლამისტმა ამბოხებულებმა დაამყარეს. ბოლო 48 საათის განმავლობაში არმიის შენაერთებმა 89 ისლამისტი გაანადგურეს. შეტაკებებს 19 მშვიდობიანი მცხოვრები და 21 სამხედრო მოსამსახურეც ემსხვერპლა. მინდანაოს პროვინციაში საგანგებო მდგომარეობა მოქმედებს.
