დაღესტანში ადგილობრივი ბიზნესმენი თავის ავტომობილში აფეთქდა. ინფორმაციას ამის შესახებ დაღესტნის შს სამინისტროს პრესსამსახური ავრცელებს.
მათი ინფორმაციით, აფეთქება მაშინ მოხდა, როდესაც ბიზნესმენმა კუთვნილი ავტომობილის კარი გამოაღო. " Toyota Land cruiser"-ის ტიპის ავტომობილი ბიზნესმენის კუთვნილი სახლის ეზოში იდგა.
"აფეთქების შედეგად მხოლოდ ავტომობილის მძღოლი გარდაიცვალა. სხვა არავინ დაშავებულა", _ იუწყება დაღესტნის შს სამინისტროს პრესსამსახური.
