რუსეთ-ბრიტანეთის ურთიერთობებს კარგი მომავალი აქვს, თუმცა ის კორექტირებას საჭიროებს. ასეთი მოსაზრება გამოთქვა რუსეთის პრეზიდენტმა დიმიტრი მედვედევმა დიდი ბრიტანეთის პრემიერ-მინისტრთან დევიდ კამრონთან შეხვედრის დასრულების შემდეგ.
"ჩვენ განვიხილეთ ორმხრივი ურთიერთოებები და შევთანხმდით, რომ ისინი საჭიროებენ კორექტირებას", განაცხადა მედვედევმა და დასძინა, "ჩვენ მივეცით დავალება საგარეო საქმეთა მინისტრებს იყვნენ მუდმივ კონტაქტში და განიხილონ ჩვენი ურთიერთოებების დღის წესრიგი".
მისი თქმით, ორი ქვეყნის ურთიერთოებები ქვეყნის პირველი პირების მუდმივ ყურადღებას საჭიროებენ, "როგორც ეკონომიკის ასევე სხვა თემებზე".
მედვედევმა დევიდ კემერონს პრემიერის პოსტზე წარმატებები უსურვა.
თავის მხრივ კამერონმა მთელ რიგ საკითხებზე ერთობლივი მუშაობის მზადყოფნა გამოთქვა.
"ჩვენ მზად ვართ ერთად ვიმუშაოთ იმ თემებზე სადაც ჩვენი აზრები ემთხვევა და იმ საკითხებზეც სადაც გვაქვს აზრთა სხვადასხვაობა", - განაცხადა დევიდ კამერონმა.
უნდა აღინიშნოს, რომ ორ ქვეყანას შორის ურთიერთოებები 2007 წელს "ლიტვინენკოს საქმის" გამო დაიძაბა, რომლესაც 2008 წელს რუსეთის მიერ საქართველოს წინააღმდეგ განხორციელებული აგრესიის ბრიტანული მხარის შეფასებებც დაერთო.
ოფიციალური ლონდონი კვლავაც გმობს რუსეთის მიერ საქართველოს წინააღმდეგ განხორციელებული აგრესიას და მოსკოვს 2008 წლის აგვისტოს ხელშეკრულების უპირობო შესრულებისკენ მოუწოდებს.