ბაღდადში ძლიერი აფეთქების ხმა კიდევ ერთხელ გაისმა. ასაფეთქებელი მოწყობილობა ქალაქის ჩრდილოეთით მდებარე შატ ატ-ტაჯის რაიონში ამოქმედდა. აფეთქების შედეგად 3 ადამიანი დაშავდა. ერთი მათგანის მდგომარეობა კრიტიკულია. ბოლო 24 საათის განმავლობაში ეს ერაყის დედაქალაქში მომხდარი მესამე ტერორისტული აქტია. გვიან ღამით თვითმკვლელმა ტერორისტმა თავი სანაყინესთან აიფეთქა, რასაც 16 ადამიანი ემსხვერპლა. კიდევ ერთი ტერორისტული აქტი ბაღდადის ცენტრში პენსიების გაცემის დეპარტამენტთან განხორციელდა. დაღუპილთა რაოდენობამ 11-ს მიაღწია.
