ევროპული საქართველო-მოძრაობა თავისუფლებისთვის წევრი ზურაბ ჭიაბერაშვილი მიწების გასხვისებასთან დაკავშირებით კომენტარს აკეთებს და აცხადებს, რომ მმართველი გუნდის მიდგომა ილია ჭავჭავაძის მიდგომას ეწინააღმდეგება.
,,გზას, რომელსაც ქართული ოცნება ადგას მიწებთან დაკავშირებით მიდის სრულიად საპირისპიროდ, ვიდრე ამას გვთავაზობდა ჯერ კიდევ მე-19 საუკუნეში ილია ჭავჭავაძე. ჩვენ ვდგავართ ილიას პოზიციაზე, რომ მიწა არის ჩვენი ერთ-ერთი რესურსი, რომელიც უნდა გამოვიყენოთ ეფექტურად იმისათვის, რომ გაიზარდოს ეკონომიკა, ბიზნესი იყოს უფრო წარმატებული და გაიზარდოს ხალხის კეთილდღეობა. რა ინიციატივასაც გვთავაზობს ქართული ოცნება იმიტომ სცილდება ილიას გზას, რომ ძალიან მალე ამ ინიციატივის ამოქმედებიდან მიწის მეპატრონეები აღმოაჩენენ, რომ მათმა მიწამ დაკარგა ფასი, ხოლო პროდუქცია, რომელიც ამ მიწაზე იქნება მოყვანილი იქნება გაცილებით არაკონკურენტუნარიანი სხვა იმპორტირებულ სოფლის მეურნეობის პროდუქციასთან მიმარტებაში. ესეთი ნაბიჯებით სვლა ჩვენ გვაცილებს ნორმალურ საბაზრო ურთიერთობებს, ჩვენი ეკონომიკის განვითარების შესაძლებლობებს და ჩვენი მოქალქეების კეთილდღეობის ზრდას,’’ - განაცხადა ზურაბ ჭიაბერაშვილმა.
