სახალხო დამცველ უჩა ნანუაშვილს ე.წ. ციანიდს საქმის განხილვაზე დასწრების უფლება არ მისცეს. მისი განმარტებით, მოსამართლე ბესიკ ბუგიანიშვილმა მისი პროცესზე დასწრების საფუძველი ვერ დაინახა.
”მოსამართლემ შემომთავაზა, რომ ორივე მხარემ მომდევნო პროცესისთვის ვიფიქროთ იმ საფუძველზე, რომლითაც სახალხო დამცველის დასწრება დახურულ პროცესზე შესაძლებელი იქნება. მე მას ვუთხარი, რომ არსებობს ორგანული კანონი, რომელიც სხვა კანონებზე მაღლა დგას და რომ სახალხო დამცველის დასწრება მსგავს პროცესებზე არსად აკრძალული არ არის. სახალხო დამცველი ზედამხედველობას უწევს მთლიანად ქვეყანაში ადამიანის უფლებათა დაცვის მდგომარეობას, მათ შორის ხელისუფლების ორგანოებში და რა თქმა უნდა, სასამართლო სისტემაში”, - განაცხადა უჩა ნანუაშვილმა.
მისივე თქმით, მოსამართლე აპელირებს საპროცესო კოდექსზე, სადაც მსგავსი პროცესების დახურვასთან დაკავშირებით არავითარი ჩანაწერი არ არსებობს.