ერმიტაჟი დაარსებიდან 250 წლის თავის აღსანიშნავად ემზადება. საიუბილეო თარიღის აღნიშვნა 2014 წლისთვის იგეგმება.
ერმიტაჟის ხელმძღვანელის მიხეილ პიოტროვსკის განცხადებით, უახლოეს მომავალში ერმიტაჟს ახალი მუზეუმები და სამუზეუმო ექსპონატები შეემატება. მათ შორის გვარდიის მუზეუმიც, რომელიც გვარდიის კორპუსის შტაბ-ბინაში განთავსდება. თავად კორპუსი სასახლის მოედნის აღმოსავლეთ მხარის არქიტექტურულ ანსამბლს დაასრულებს.
2014 წლისთვის იგეგმება მთავარი შტაბის აღმოსავლეთის ფრთის რესტავრაციის დასრულებაც. აქ გაიხსნება XIX-XX საუკუნის მუზეუმი.
ერმიტაჟის დირექტორმა იმედი გამოთქვა, რომ საიუბილეო თარიღისთვის მოესწრება ვასილევსკის კუნძულზე ბირჟის შენობაში ჰერალდიკის მუზეუმის გახსნაც.
