ბელორუსსა და რუსეთს შორის გაზის კონფლიქტისთვის არავითარი საფუძველი არ არსებობდა. ამის შესახებ "ევრონიუსს" ბელორუსის პრეზიდენტმა ალექსანდრ ლუკაშენკომ განუცხადა.
"ეს არის აბსულუტურად უსაფუძვლო დავა, მაგრამ მთავარია, რომ დავა წარმოიშვა მაშინ, როდესაც გაზპრომს ჩვენთვის ტრანზიტის ღირებულება 260 მილიონი უნდა გადაეხადა, ხოლო ჩვენ მათთვის 190 უფრო სწორად 187 მილიონი. მათ ეს აღიარეს და ჩვენ 187 მილიონი გადავიხადეთ" - განაცხადა ლუკაშენკომ და ხაზგასმით აღნიშნა, რომ "კონფლიქტისთვის მიზეზები აბსულუტურად არ არსებობდა".
ბელორუსიის პრეზიდენტმა აღნიშნა, რომ ოფიციალურმა მინსკმა დავალიანების გადახდის ორი კვირით გადავადება ითხოვა, თუმცა "ჩვენმა მოკავშირეებმა ჩვენთვის ყველაზე ახლო ადამიანებმა გვითხრეს: "არა. ერთ დღესაც ვერ დაგელოდებით".
