გენერალური აუდიტორი ლაშა თორდია მთავარ პროკურორს მის წინააღმდეგ ბრძოლაში ადანაშაულებს. საქმე ეხება გუშინ გავრცელებულ კადრებს, სადაც მთავარი მონაწილე ლაშა თორდიაა.
ვიდეოზე ასახული კლუბის თანამშრომლები აცხადებენ, რომ კადრები რამოდენიმე თვის წინ ამოიღო გამოძიებამ, დაიკითხა რამოდენიმე მოწმეც. თორდიასთან ერთად მყოფი პირები კი აცხადებენ, რომ მათი დაკითხვა არ მომხდარა.
შემთხვევის ადგილზე მყოფი პავლე კუბლაშვილი აცხადებს, რომ შეუძლია გამოძიებასთან თანამშრომლობა, თუმცა დეტალებზე საუბრისგან თავს შეიკავებს.
„ამის მიზანია რომ როგორმე გადაფარონ ფარცხალაძის სკანდალი. ფარცხალაძე ამით არ გათეთრდება. რაც არ უნდა ცუდ ადამიანად წარმოაჩინოთ ლაშა თორდია ამით ფარცხალაძის არც კრიმინალურ წარსულს, არც კორუფციულ გარიგებებს, არც სხვადასხვა ფაქტებს არაფერი არ ეშველება. ფარცხალაძის გათეთრება, გაპრავება არის შეუძლებელი,“-განაცხადა კუბლაშვილმა.