"ხელისუფლებაა დაინტერესებული, რომ ამ საქმეზე საზოგადოებამ სიმართლე გაიგოს",- განაცხადა საპარლამენტო უმრავლესობის წევრმა, ირაკლი სესიაშვილმა გენერალური აუდიტორისა და ყოფილი მთავარი პროკურორის საქმეზე.
მისი თქმით, მმართველ გუნდს ამ საქმეში არანაირი დაინტერესება არ აქვს და მხოლოდ სიმართლის გარკვევას ცდილობენ.აუდიტორ ლაშა თორდიასთან დაკავშირებით, დღეს გავრცელებულ ვიდეოს გამოეხმაურა.
"ყველა ინციდენტთან დაკავშირებით, გამოძიებას უნდა დაველოდოთ. ხელისუფლებაა დაინტერესებული, რომ ამ საქმეზე საზოგადოებამ სიმართლე გაიგოს. "ქართული ოცნების" პოლიტიკური ინტერესი არ არსებობს გარდა იმისა, რომ ამ ინციდენტებზე, საზოგადოებამ პასუხები მიიღოს და ვინც დასასჯელია, უნდა დაისაჯოს, ვინც არ უნდა იყოს ის. ჩვენი პოლიტიკური ძალის ასოცირება რომელიმე პირთან, მიუღებელია. საზოგადოებისთვის ორივე ინციდენტი მიუღებელია, ისევე როგორც პოლიტიკური სპექტრისთვის. ერთი მხრივ, ლაშა თორდია სახელმწიფო მოხელეა, მეორე მხრივ - მოქალაქე მიუხედავად იმისა, ის წინა პერიოდში, საჯარო სამსახურში იყო თუ არა. ჩემთვის მიუღებელია ფაქტები და საგამოძიებო ორგანოების მიმართ მოთხოვნაა, რომ საქმე გამოძიებული მაქსიმალურად დროულად იქნას და საზოგადოებაში სამართლიანობის განცდა დარჩეს, რომ ადეკვატური გამოძიება მოხდა", - განაცხადა სესიაშვილმა.
